Во рамките на неделата на активности посветени на 60 годишниот јубилеј на училиштето, се одржа завршната активност на која беа презентирани сите реализирани активности од онлајн проектот “Природата во служба на здравјето” подготвен од страна на тимот на МИО. Проектот се реализираше со заеднички онлајн активности на наставници и ученици од нашето училиште и партнер училиштето ООУ “Емин Дураку”. Учениците заеднички истражуваа за штетните последици од користењето на средствата за хигиена кои во себе содржат штетни состојки. Од негата за телото посебен акцент беше ставен на негата на усните, така што учениците дојдоа до сознанија за историскиот развој на балсамот за усни. Нивните истражувања беа преточени во презентации и презентирани од нивна страна. Учениците заедно со наставниците изведоа експеримент и создадоа балсам за усни од органски состојки. Дизајнираа амбалажа, упатство за употреба и изработија брошура за производот.
Успешна соработка, задоволни ученици!
Ду-Ду балм!
