Честитки до одбојкарките од ООУ „Невена Георгиева Дуња“ за освоеното трето место на Општинскиот натпревар во одбојка. Со својата посветеност, упорност, дисциплина и тимски дух, нашите ученички покажаа дека трудот и заедничката работа секогаш водат кон успех. Во текот на натпреварот тие достојно го претставуваа нашето училиште, демонстрирајќи спортска култура, одговорност и голема желба за постигнување добри резултати. Овој успех претставува потврда за нивната континуирана работа и вложен труд, како и за поддршката и ангажманот на наставниците кои ги подготвуваа и мотивираа. Упатуваме искрени честитки до сите членови на екипата и до нивните наставници за постигнатиот резултат. Им посакуваме уште многу спортски успеси, нови достигнувања и достојно претставување на училиштето и во иднина. Браво за нашите одбојкарки!
